دلوقتي تقدر تبيع وتشتري الأسهم في نفس اليوم بنظام T0 اللي بقى متاح من النهاردة على ثاندر.
في العادي الأوامر اللي بتعملها بتاخد يومين للتسوية في نظام T+2، يعني انت لو اشتريت سهم النهاردة محتاج علي الأقل يومين عشان تقدر تبيعه بس ده خلاص انتهي مع نظام التسوية اليومية T0 اللي بقي متاح خلاص علي ثاندر وهتقدر تشتري وتبيع اسهمك في نفس اليوم.
كلنا كنا مستنيين الT0 تعالوا نعرف تفاصيلها
الاقي الT0 فين علي ثاندر؟
هتلاقي التسوية اليومية T0 و T1 في شاشة الأوامر المتقدمة. الشاشة دي هتكون متاحة كجزء من التسجيل اللي بعد كده. وعشان توصل لها اتبع الخطوات دي:
- اعمل بحث على اسم السهم اللي عايز تبيعه وروح للصفحة اللي فيها اسم السهم.
- دوس علي تحديد الأمر
- دوس علي متقدم
- اختار نوع التسوية اللي عايزة من T0 أو T1 أو T2
- معني T1 انك تقدر تبيع السهم بعد يوم واحد من تاريخ الشراء
نفسك في تسوية يومية مجانية؟
لو حسابك على ثاندر ممول، التسوية اليومية T0 متاحة ليك مجانا ، ولو لسه ممولتش حسابك فلو مولت حسابك قبل يوم 15 مايو هتقدر تبيع وتشتري في نفس اليوم .
لسه فيه جديد؟ أكيد..
احنا مش بس ضفنا التسوية اليومية على ثاندر، احنا زودنا خصائص ومميزات تانية على شاشة الأوامر المتقدمة على الابليكيشن وهي:
اختيار تاريخ انتهاء الأوامر والطلبات
الأوامر على ثاندر في العادي صالحة حتى الإلغاء، دلوقت بقي ممكن تحدد يوم أو تاريخ معين تلغي فيه الأمر أوتوماتيك.
ممكن تشوف هنا تفاصيل اكثر عن شاشة الأوامر المتقدمة!
من الضروري انك تعرف مخاطر التسوية اليومية مش بس طريقة عملها لان فيه دراسات كتير اتعملت عنها وقالت ان التداول اليومي شديد الخطورة واحتمالية الخساير فيه عالية.
