خبر بفلوس
باكستان والمكسيك على رادر الحكومة لاستيراد القمح، دة اللي قاله رئيس الحجر الزراعي المصري.
خلفية الموضوع
مصر دخلت في بحث مكثف عن القمح بعد الحرب الروسية الأوكرانية، واللي كانت مصر بتستورد منهم شحنات قمح ضخمة.
أصل الموضوع
بعد ما بدأت مصر محادثات مع الهند لاستيراد القمح منها ووصلت المحادثات مراحلها النهائية، الهند عانت من أحوال جوية صعبة أثرت على إنتاجها من القمح، وعشان كدة قامت بحظر تصدير القمح لتأمين احتياجاتها.
بجانب بحث مصر عن استيراد القمح من دول تانية، إلا إنها بتحاول تاخد استثناء من قرار الهند بحظر التصدير.
تحديث: في المؤتمر الوزاري الأخير، وزير الزراعة قال إنه في اللحظة اللي بيتكلم فيها، بيتم شحن 60 الف طن قمح من الهند، وقال إن مصر مستثناة من قرار الهند بحظر التصدير.
