خبر بفلوس
إيديتا قدرت تحقق زيادة في أرباحها خلال الفترة من يناير لـ31 مارس 2022 بنسبة 57% على أساس سنوي، الشركة سجلت أرباح بقيمة 162 مليون جنيه مقابل 69.66 مليون جنيه في نفس الفترة من 2021.
أصل الموضوع
الزيادة في الأرباح كان معاها زيادة في إيرادات الشركة، واللي وصلت لـ1.6 مليار جنيه في الربع الأول من السنة دي، واللي أرجعته الشركة للزيادة في حجم مبيعاتها.
الشركة كمان قالت إن منتجاتها من “البسكوت” بدأت في تخطي مرحلة تقديمها للسوق وإيراداتها زادت بنسبة 62% على أساس سنوي.
الشركة أعلنت إن أعمالها في المغرب واللي بتكون تحت إسم “إيديتا المغرب”، بدأت في تحقيق إيرادات، وحققت في الربع دة 20 مليون جنيه.
شركتين جداد هيتم تأسيسهم
الشركة قالت إنها هتأسس شركة قابضة برأس مال 5 مليون جنيه، بالإضافة إلى شركة للتمويل متناهي الصغر بقيمة 15 مليون جنيه.
عشان تقرأ تقرير أرباح إيديتا، دوس هنا
