خبر بفلوس
عجز الميزان التجاري قل في شهر فبراير بنسبة 29.4% على أساس سنوي، عشان يسجل 2.7 مليار دولار.
معلومة كلابس
الميزان التجاري هو الفرق ما بين اللي بيتم تصديرة واللي بيتم استيراده، ويكون فيه عجز لما الاستيراد يكون أعلى من التصدير، وبيكون فيه فائض لما التصدير بيكون أعلى من الاستيراد.
أصل الموضوع
العجز في الميزان التجاري قل بعد ما صادرات مصر زادت بنسبة 41% عن الصادرات في فبراير 2021. ودة بيرجع لزيادة كبيرة في أسعار بعض المنتجات اللي مصر بتصدرها زي إن صادرات المواد النسيجية زادت بقيمة 76% وصادرات البطاطس زادت بنسبة 57%.
قيمة الواردات كمان زادت لكن بنسبة 1.2% بس، فسجلت في فبراير 2022، 6.82 مليار دولار. دة بسبب زيادة واردات البترول بنسبة 81% وواردات المواد الأولية للحديد والصلب بقيمة 62%.
أهمية الموضوع
فبراير يعتبر الشهر التاني اللي عجز الموازنة يقل فيه، بعد ما قل في يناير بنسبة 32.2% على أساس سنوي.
