خبر بفلوس
قرر البنك المركزي رفع سر الفايدة بنسبة 2%، علشان تكون الفايدة 11.25% على الإيداع، 12.25% الإقراض لليلة واحدة، ويكون سعر العملية الرئيسية 11.75%.
أصل الموضوع
البنك المركزي أرجع زيادة معدل الفايدة لمواجهة التضخم اللي وصل لأكبر مستوى ليه من مايو 2019،وكمان لضمان الوصول لاستقرار أكبر في الأسعار.
التقرير أشار لتباطؤ الاقتصاد العالمي، خاصةً مع تأثيرات الحرب الروسية الأوكرانية، واللي تسببت في ارتفاع أسعار السلع زي القمح.
بالإضافة لتزايد حالات كوفيد-19 في الصين، واللي بيزود أكتر من أزمة سلاسل الإمداد، واللي بدورها بتعمل على ارتفاع الأسعار بشكل أكبر.
أهمية الخبر
قرار البنك المركزي زيادة الفايدة 2% كان متوقع من المؤسسات العالمية، وأبرزهم “إتش إس بي سي”، وتعتبر الزيادة هي التانية على التوالي بعد الزيادة بنسبة 1% في اجتماع استثنائي خلال مارس 2022.
