خبر بفلوس
منصة مصر للتعليم تصل إلى خطواتها الاخيرة في الاستحواذ على حضانتي تريليوم وبيتالز، في أول استثمار من المنصة في قطاع الحضانات، المنصة رفضت الإفصاح عن قيمة الصفقة.
إيه هي منصة مصر للتعليم؟
المنصة بتستثمر أموال الصندوق التعليمي اللي تم تأسيسه بالشراكة بين المجموعة المالية هيرميس وشركة جيمس للتعليم.
أصل الموضوع
الحضانتين تمتلك 8 فروع موزعة في أنحاء القاهرة. المنصة بتخطط لفتح فروع جديدة للحضانتين في شرق وغرب القاهرة، مع الإبقاء على فريق العمل للاستفادة من خبراتهم.
المنصة بتخطط كمان لاستثمارات أكتر تستهدف شريحة الدخل المتوسط وبشكل خاص في الإسكندرية.
أهمية الموضوع
المنصة كشفت عن أهمية الصفقة في تنوع المحفظة الاستثمارية ليها واللي بتضم عدد من المدارس اللي بتتبع المناهج الأمريكية، البريطانية وأيضًا البكالوريا الدولية.