خبر بفلوس
أبحاث كريدي سويس أشارت لاحتمالية خفض العملة في وقت من 6 لـ 12 شهور من دلوقتي، وإن البنك المركزي المصري ممكن يزود الفايدة بقيمة 1.5%-2.5% خلال 2022.
أصل الموضوع
أبحاث كريدي سويس أشارت إنه بالرغم من التوقعات بثبات قيمة العملة على مدي الأشهر القادمة، إلا إنها لا تستبعد مخاطر خفض العملة مرة تانية في خلال مدة من 6-12 شهر، وعلشان كدة الاجتماعات بين صندوق النقد الدولي والحكومة المصرية في غاية الأهمية.
تقرير كريدي سويس توقع كمان إن التضخم يستمر في الارتفاع ويكون فوق المستوى المستهدف من البنك المركزي، وعليه توقع التقرير رفع الفايدة بنسبة 1.5%-2.5% بحلول نهاية 2022.
الدعم اللي تلقته مصر من الدول الخليجية من خلال تخصيصهم ما يصل لـ22 مليار دولار في استثمارات طويلة المدى، قلل من الضغط على الاقتصاد نتيجة قلة تدفقات النقد الأجنبي لمصر.
لازم تعرف
جي بي مورغان كانت توقعت إن معدل الفايدة يزيد بنسبة 1.5% أخرى بحلول نهاية 2022.
