خبر بفلوس
قناة السويس نجحت في الوصول لأعلى إيرادات في تاريخها، مسجلة 704 مليون دولار في يوليو 2022.
أصل الموضوع
بحسب بيان هيئة قناة السويس، فالزيادة في يرادات شهر يوليو 2022، كانت أعلى بنسبة 32.4%، من الإيرادات اللي اتسجلت في يوليو 2021.
أسباب القفزة في الإيرادات
هيئة القناة أرجعت الزيادة لنمو عدد ناقلات البترول بنسبة 60.2%، علشان يكون حجم الإيرادات المحققة من ناقلات البترول فقط 153 مليون دولار.
ناقلات الغاز الطبيعي المسال كمان زادت بنسبة 31%، ووصلت لأعلى إيراد شهري وهي 52 مليون دولار.
أعلى إيراد يومي!!
جدير بالذكر إن يوم 29 يوليو 2022، شهد أعلى إيراد يومي في تاريخ القناة بإجمالي 31.8 مليون دولار.
