أسهل علاقة في علم الاقتصاد…دخل اقل من أنفاق = عجز = تمويل
ميزان المدفوعات يوثق بالارقام العلاقة اللي فوق دي علي مستوي كل المصريين (و غير المصريين المقيمين) داخل الجمهورية بما فيهم احنا.
سريعا…تعريفات اساسية:
١. ميزان المدفوعات يسجل التعامل بين المقيمين في مصر و غير المقيمين (باقي دول العالم) خلال فترة زمنية
٢. كل بنود الميزان لما نجمعها مع بعض لازم تبقي = صفر. يعني لان الإيرادات = استخدامات.
٣. البيان ينقسم الي اربع أقسام رئيسية:
* ميزان المعاملات الجارية
* ميزان المعاملات المالية بخلاف الزيادة او النقص في الاحتياطي لدي البنك المركزي
* الزيادة او النقص في الاحتياطي لدي البنك المركزي
* بند السهو و الخطأ
٤. ببساطة شديدة، كل بند من البنود الثلاثة الاولي في النقطة رقم ٣ بيعبر عن الاتي:
ميزان المعاملات الجارية = صادرات ناقص واردات، فوايد ديون، توزيع أرباح للخارج، تحويلات عاملين بالخارج. دي البنود بس الأهم بكتير هو التعريف الاتي:
أ. ميزان المعاملات الجارية = إنفاق كل المقيمين في مصر ناقص دخلهم سواء من داخل مصر او خارجها
ب. ميزان المعاملات المالية (بخلاف النقص او الزيادة في احتياطي المركزي) بيقول ازاي تم تمويل العجز او استثمار الفائض في ميزان المعاملات الجارية و ده ممكن يكون في صورة ١) ديون، ٢) اموال ساخنة و ٣) استثمارات أجنبية مباشرة.
ج. لو بند ب مكفاش في تمويل العجز في ميزان المعاملات الجارية، البنك المركزي يلعب دوره كاالملاذ الاخير بالتدخل (صرف من الاحتياطي) و العكس صحيح (بناء احتياطي).
البند د هو بند بيضمن ان الاستخدام = الإيرادات لان تحضير ميزان المدفوعات عملية صعبة و بتحصل فبها أخطاء فلازم نزود البند علشان الميزان يبقي دايما “موزون” balanced.
اذا احنا محتاجين تعرف٣ أرقام فقط…let’s apply
في ال٩ أشهر من يوليو ٢٠٢١ الي مارس ٢٠٢٢،
أ. ميزان المعاملات الجارية + السهو و الخطأ = -١٧ مليار دولار
تم تمويل العجز
ب. ميزان المعاملات المالية بخلاف الاحتياطي = ١٠ مليار دولار
ج. التغير في الاحتياطي لدي المركزي = ٧ مليار دولار
تحليل سريع:
قاعدة رقم ١: كل ما تشوف عجز في ميزان المعاملات الجارية، اول حاجة تيجي في دماغك (بعد اذنك)
أنفاق اكبر من دخل
قاعدة رقم ٢: اي عجز لابد من تمويله. افضل تمويل هو الـ FDI
و أسوأ تمويل هو الأموال الساخنة.
و في الاعادة إفادة…٣ أرقام في الميزان هيقولولك:
دخل اقل من أنفاق = عجز = تمويل
٣. و اخيرا، نظرا لان التمويل في ميزان المعاملات المالية ينبع من العجز في ميزان المعاملات الجارية (اللي هو ناتج إسراف كل المصريين مع بعض)، اول حاجة الصندوق بطلبها هو التقشف.
تقشف يؤدي الي دخل = أنفاق و بالتالي مافيش تمويل و مافيش ديون.
