خبر بفلوس
مجموعة طلعت مصطفى نجحت في زيادة أرباحها خلال النصف الأول من 2022، بنسبة 27% على أساس سنوي، علشان يوصل لـ 1.09 مليار جنيه مقابل 857 مليون جنيه خلال نفس الفترة من 2021.
إيرادات المجموعة زادت بنسبة 29% على أساس سنوي، ووصلت 7.09 مليار جنيه في أول نصف من 2022، مقابل 5.49 مليار جنيه خلال نفس الفترة من 2021.
بالرغم من كدة، المبيعات التعاقدية خلال النصف الأول من 2022 انخفضت بنسبة 46% على أساس سنوي، علشان تسجل 11.3 مليار جنيه.
المبيعات التعاقدية هي المبيعات على الورق، واللي لم يتم تسليمها بعد.
لماذا؟
الشركة أرجعت إنخفاض المبيعات في النصف الأول من العام الحالي، لإنها كانت حققت مبيعات ضخمة في نفس الفترة من العام السابق، بسبب فتح البيع في مشروعها “نور”، فكان من الطبيعي إن المبيعات تشهد انخفاضًا في النصف الأول من 2022.
إزاي المبيعات أعلى من الإيرادات؟
في الشركات العقارية، بيتم تسجيل مبيعات عند التعاقد على وحدات جديدة، بينما يتم تسجيل إيرادات عند تسليم الوحدات أو إكمال نسبة معينة من المشروع العقاري. علشان كدة، إيرادات الشركات العقارية هي نسبة من مبيعات الفترات الماضة.
لقراءة بيان مجموعة طلعت مصطفى عن الأرباح، إضغط هنا
