خبر بفلوس
خلال أول 6 شهور من 2022، شركة أوراسكوم للتنمية قدرت تزود أرباحها بنسبة 15.3% على أساس سنوي، ووصلتها لـ 858.3 مليون جنيه، دة كان بجانب زيادة الإيرادات 27.6% على أساس سنوي، ووصولها 3.8 مليار جنيه.
إيه هي أسباب الزيادة؟
الشركة قالت إن سبب الزيادة الأساسي هو تسريع عملية البناء، بالإضافة للتحسن في أداء قطاع الفنادق وإدارة المدن بالشركة.
أعلى مبيعات نصف سنوية في تاريخ الشركة
في 6 شهور بس، قدرت أوراسكوم للتنمية تحقق مبيعات وصلت لـ 4.7 مليار جنيه، وبزيادة 16.9% على أساس سنوي، ودة حجم مبيعات الشركة وصفته في بيانها، بإنه الأعلى في تاريخ الشركة خلال فترة 6 شهور.
مشروع O west في غرب القاهرة كان أكتر مشروع يكون ليه نصيب من المبيعات بنسبة 51.4%، وبعده كانت الجونة بنسبة 42.1%.
