خبر بفلوس
جي بي أوتو كان أداءها قوي في النص الأول من 2022، ودة اللي انعكس في حجم الأرباح اللي زادت 7.1% على أساس سنوي، ووصلت 719.9 مليون جنيه، الشركة كمان حققت إيرادات 15.7 مليار جنيه، بزيادة 11.2% على أساس سنوي.
أهم أسباب زيادة الأرباح
نادر غبور العضو المنتدب لشركة جي بي أوتو، قال في بيان الشركة، إن ارتفاع الطلب على المنتجات والخدمات اللي بتقدمها الشركة، بالإضافة لاستراتيجية الشركة، علشان تتخطي الأزمات الاقتصادية دلوقتي، كل دة كان من أهم أسباب أداء الشركة القوي.
جي بي كابيتال
جي بي أوتو قالت إن شركتها التابعة، جي بي كابيتال، المتخصصة في قطاع التمويل قدرت تحقق زيادة في الأرباح بنسبة 50.8% على أساس سنوي، علشان توصل لـ 398.8 مليون جنيه.
الشركة قالت إن سبب القفزة الكبيرة في الأرباح، هو الآثار الإيجابية اللي تسبب فيها عملية إصدار سندات توريق لشركة “تساهيل” التابعة.
