خبر بفلوس
شركة إيديتا أعلنت إنها بدأت تشغيل خط الإنتاج التامن للمخبوزات في مصنعها، وبتكلفة استثمارية وصلت 135 مليون جنيه.
إيه أهمية الخط دة؟
الشركة قالت في بيان ليها، إن خط الإنتاج الجديد هيرفع من الطاقة الإنتاجية لـ “إيديتا” في قطاع المخبوزات بنسبة 20%، ودة يعني إنتاج 11 ألف طن من المخبوزات زيادة في السوق بشكل سنوي.
خط الإنتاج دة كمان هيخلي “إيديتا”، تقدر تلبي الطلب المتزايد على منتجات علامتها التجارية “مولتو” في السوق المصري.
لازم تعرف
في إبريل 2022، افتتحت إيديتا رسميًأ مصنعها الجديد في المغرب، بتكلفة وصلت 382.5 مليون جنيه، وقالت الشركة وقتها إنها مستعدة لضخ 400 مليون جنيه علشان تزود طاقتها الإنتاجة، وكمان تتوسع في دول تانية.