خبر بفلوس
الدكتور محمد فريد، رئيس هيئة الرقابة المالية، اعتمد قواعد جديدة، هتجعل تنفيذ عمليات البيع والشراء، اللي بتحصل على سندات الشركات في البورصة، تكون في نفس اليوم T+0.
إيه هي السندات؟
هي أدوات للدين، وببساطة حامل السند بكون داين للشركة أو الحكومة اللي أصدرت السند، وفي سوق المال، الشركات بتستدين عن طريق إصدار سندات، السندات دي بعد كدة بيبقى من الممكن تداولها.
أصل الموضوع
الهيئة قالت إن الخطوة دي، كانت استجابة لطلبات المسؤولين في بنوك الاستثمار وشركات إدارة الأصول في سوق المال.
أهمية الموضوع
بحسب بيان الرقابة المالية، فالعملية دي بتنشط سوق السندات، وتقدم حافز للاستثمار في سندات الشركات المقيدة في البورصة.
