خبر بفلوس
هيئة الرقابة المالية وافقت على نشر إعلان شركة إكسبيديشن إنفستمنتس، علشان تستحوذ على 34% المكملة لنسبة 90% من شركة دومتي، بسعر 5 جنيه لكل سهم.
لازم تعرف
عرض الاستحواذ دة، هو محاولة من عائلة الدماطي للاستحواذ على حصة أكبر في شركة دومتي.
إزاي؟
شركة إكسبيديشن إنفستمنتس قدمت عرض رسمي، للاستحواذ على 34% من شركة دومتي، عائلة الدماطي بتمتلك حصة الأقلية في تحالف إكسبيديشن إنفستمنتس، دة بالإضافة لامتلاكها 56% من شركة دومتي. وبالتالي، تزداد حصة عائلة الدماطي في دومتي.
أصل الموضوع
نتيجة لموافقة الهيئة، شركة إكسيبيديشن ملزمة تنشر إعلان بالعرض خلال يومين من موافقة الهيئة، الشركة كمان ملزمة بشراء كل الأسهم المستجيبة للعرض.
ولو عدد الأسهم اللي استجابت للعرض أكتر من المطلوب؟
إكسبيديشن ملزمة إنها تسشتري من كل اللي قدموا أسهمهم للبيع، ولكن مش هيشتروا كل أسهمهم، وإنما هتكون نسبة من كل مالك أسهم.
