خبر بفلوس
شركة إيديتا أعلنت عن أرباح كبيرة في النص الأول من 2022، وصلت لـ 375 مليون جنيه، ودة تقريبًا زيادة بنسبة 90% على أساس سنوي، دة طبعًا كان إنعكاس لارتفاع الإيرادات اللي سجلت 3.1 مليار جنيه، بنسبة نمو 35.2% على أساس سنوي.
لكن إيه هي أسباب الإرتفاع الكبير دة؟
الشركة أعلنت في بيان ليها، إن الربع التاني من 2022 بالتحديد، شهد ارتفاع لأسعار بيع منتجاتها، بالإضافة لنمو قوي في قطاع الكيك، بسبب زيادة الكميات المباعة.
الشركة قالت كمان إن بسبب زيادة أسعار البيع، زادت إيرادات قطاعات المخبوزات والويفر، ودة اللي ساهم في تعزيز مستويات الربحية بشكل أكبر.
إيديتا والأزمة
إيديتا صرحت إنها نجحت في تخطي ضغوط التضخم وإنخفاض قيمة الجنيه، عن طريق النجاح في رفع أسعارها خلال الربع الأخير من 2021، والربع الأول من السنة الحالية.
جدير بالذكر إن مصنع الشركة في المغرب، تحت إسم إيديتا المغرب، قدر يحقق إيرادات 51.6 مليون جنيه خلال النصف الأول من 2022، ودي أول 6 شهور للمصنع اللي تم افتتاحه في ديسمبر 2021
