خبر بفلوس
من خلال قفزة الإيرادات في النص الأول من السنة، واللي زادت 73% على أساس سنوي، وسجلت 6.9 مليار جنيه، بالم هيلز قدرت ترفع أرباحها خلال أول 6 شهور من 2022، بنسبة 21%، ووصّلتها لـ 558 مليون جنيه.
تحليل الزيادة في الإيرادات والأرباح
بالم هيلز نجحت في الوصول بحجم مبيعاتها لـ 10.7 مليار جنيه، بزيادة 38% على أساس سنوي، والنمو ده أرجعته الشركة للزيادة في أسعار البيع، بالإضافة لزيادة عدد الوحدات المباعة، واللي زادت خلال النص الأول بنسبة 33% لـ 1.872 ألف وحدة.
مشروع بالم هيلز، “باديا”، سجل قفزة في مبيعاته بنسبة 144% على أساس سنوي، خلال النص الأول من 2022، علشان توصل مبيعات المشروع لـ 3.1 مليار جنيه.
