خبر بفلوس
أرباح المجموعة المالية هيرميس في الربع التاني من 2022، انخفضت بنسبة 15%، وسجلت 344 مليون جنيه، دة بعد خصم حقوق الأقلية، ده بيكون على الرغم من ارتفاع الإيرادات خلال الفترة نفسها، بقيمة 28.5%، وتسجيلها 2.05 مليار جنيه.
لكن إيه هي أسباب قلة الأرباح؟
جزء رئيسي من تراجع أرباح الشركة خلال الـ3 شهور، هو انخفاض إيرادات قطاع الاستثمار في الشركة بنسبة 11% على أساس سنوي، وتسجيله 989 مليون جنيه في نفس الفترة.
المصروفات التشغيلية للشركة كمان زادت في الربع التاني من السنة بنسبة 42% على أساس سنوي، علشان تسجل 1.38 مليار جنيه.
المصروفات التشغيلية هي تكلفة تشغيل الشركة، وجعل أعمالها مستمرة.
عكس التوقعات
المحللين كانوا توقعوا إن أرباح هيرميس تتراوح ما بين 390 لـ 450 مليون جنيه في الربع التاني من 2022.
جدير بالذكر، إن إيرادات بنك الاستثمار العربي، التابع للمجموعة المالية، قدر يحقق ارتفاع في إيراداته بنسبة 28% على أساس سنوي، ويسجل 564 مليون جنيه.
