خبر بفلوس
صندوق النقد الدولي بيطلب من البنك المركزي، إنه يلغي كل المبادرات اللي بيقدمها بفايدة منخفضة، لكن وزير المالية محمد معيط قال إن المبادرات اللي بتقدمها الدولة لسة مستمرة، بحسب الشرق.
إيه هي مبادرات البنك المركزي؟
البنك المركزي بيقدم دعم للقروض الموجهة للمشروعات الصغيرة والمتوسطة، ولقطاعات الصناعة، الزراعة، السياحة والتمويل العقاري، وبأسعار فايدة ممكن تصل لـ 3% بس.
تعليق وزير المالية
وزير المالية، محمد معيط، قال إنه بغض النظر عن الجهة اللي بتقدم المبادرات، لكن دعم الدولة للاقتصاد من خلال المبادرات هيفضل مستمر.
مصر في المراحل النهائية
رئيس الوزراء قال إن مصر وصلت المراحل النهائية في مفاوضاتها مع صندوق النقد الدولي، بخصوص الحصول على الدعم المطلوب.
في الخلفية
مصر بتحاول توصل لاتفاق مع صندوق النقد الدولي، علشان تحصل على قرض يساعدها في الأزمة الاقتصادية.
