خبر بفلوس
في 2021/2022، ومن خلال زيادة في الإيرادات بقيمة 85% على أساس سنوي، ووصولها 16.3 مليار جنيه، أبو قير للأسمدة قدرت تطير بأرباحها وتوصلها لـ 9.05 مليار جنيه، بزيادة 158% على أساس سنوي.
طيب إيه هي أسباب الإرتفاع دة؟
الشركة قالت إن تسجيل مستوى الإيرادات دة، كان بفضل زيادة الأسعار العالمية والمحلية، واهتمام الشركة بعملية الصيانة الدورية لمصانعها، واللي بدوره حافظ على استمرارية التشغيل.
الشركة كمان قدرت تنوع من متتجاتها، وتعرضها في أسواق مختلفة، وتسوق لها بشكل كويس، ودة أدى لنجاح استراتيجية الشركة في زيادة المبيعات.
الشركة كمان وضحت إن النمو الكبير في الإيرادات، وقدرتها على خفض تكلفة التشغيل وضغط المصروفات، أدى إن صافي الربح يصعد بالمستوى دة.
النتايج دي، مؤشر على إيه؟
بحسب بيان الشركة، النتايج دي بتعكس الآتي:
- نجاح أبو قير في تشغيل مصانعها بكل طاقتها الإنتاجية، وبزيادة 16% عن المخطط ليه.
- قدرة الشركة على زيادة مخزونها من اليوريا، واستغلال أحسن الفرص للتصدير، علشان تستفيد من زيادة الأسعار العالمية.
