خبر بفلوس
شركة تانية متخصصة في مجال الدهانات، بتفكر تدخل في سباق الاستحواذ على شركة باكين، وبتدرس حاليًا تقديم عرض شراء، بحسب مصادر للبورصة.
تفاصيل
المصادر أكدت إن باكين حاطة مدة شهرين، علشان تدرس العروض المتقدمة لها، وتختار أحسن العروض دي، ودة هيكون بناءًا على الدراسة اللي هيقوم بيها بنك الاستثمار الأهلي فاروس.
المساهم الرئيسي عايز يخرج
وكان أكبر مساهمي شركة باكين، الشركة القابضة للصناعات الكيماوية، قال إن الشركة معندهاش مانع من التخارج، ولكن بسعر يمثل قيمتها الحقيقية.
لازم تعرف
شركة باكين متقدم ليها عرضين، واحد من شركة سايبس بقيمة تتراوح ما بين 17.5 لـ 18.5 جنيه للسهم، والتاني من شركة سايباد للاستثمار الصناعي بقيمة تتراوح ما بين 16.5 لـ 18.75 جنيه للسهم الواحد.
