خبر بفلوس
خلال الاسابيع اللي جاية، المفروض الشيخ تميم بن حمد هيزور مصر، وهيجيب معاه استثمارات قطرية بقيمة 20 مليار دولار، بحسب مصادر.
تفاصيل
الاستثمارات اللي هتيجي، هتكون بمراحل متعددة، وهيتم توجيه 5 مليار دولار مباشرةً لشراء حصص في الشركات المصرية عن طريق جهاز قطر للاستثمار، نقلاً عن المصادر.
كمان، الهيئة القطرية بتحضر إنها تنفذ أول اتفاقتها في خلال الأيام الجاية، وبتركز على الاستحواذ على حصص في 3 أو 4 شركات مقيدة في البورصة، بجانب شركات غير مقيدة.
المصادر أضافت إن جزء من الاستثمارات هيكون في قطاع الطاقة النظيفة، سواء في مشروعات موجودة، أو البدء في مشروعات جديدة، وأكدت وجود مفاوضات مع صندوق مصر السيادي، للاستحواذ على حصة في شركة الإسكندرية لنقل الحاويات.
ليه دة مهم؟
من إسبوعين، انتشرت أخبار بتقول إن الصندوق السيادي القطري بيخطط للاستحواذ على حصة في شركة موبكو.
