خبر بفلوس
النهاردة، كان أول اجتماع يتم بين د. محمد فريد، رئيس هيئة الرقابة المالية، و رامي الدكاني، رئيس البورصة الجديد، واللي فيه اتناقشوا عن مستقبل سوق المال المصري.
أصل الموضوع
في خلال الاجتماع، أكد د. فريد إنه هيتم التنسيق بشكل كامل بين الهيئة وسوق المال، لوضع سياسات جديدة تضمن استقرار السوق وحماية المتعاملين فيه.
وعلى الجانب الآخر، وضح “الدكاني” إنه هيتم العمل مع كل الأطراف؛ علشان يتم تنفيذ استراتيجية البورصة لتنشيط سوق المال، وخاصة المشتقات المالية.
ليه ده مهم
كلًا من رامي الدكاني ود. محمد فريد تم تعيينهم في مناصبهم خلال الوقت القليل اللي فات، كجزء من خطة الحكومة للنهوض بسوق المال.
