خبر بفلوس
الإعلان عن إتفاقية قرض مصر من صندوق النقد الدولي ممكن يكون قريب أوي، دة نقلًا عن مصادر.
التفاصيل
بالرغم من إن مفيش حاجة واضحة لحد دلوقتي، لكن المصادر متوقعة القرض يكون في حدود 3-5 مليار دولار، وهيتم الإعلان عنه خلال ساعات.
في الخلفية
مصر بقالها شهور في مفاوضات مع صندوق النقد الدولي للحصول على قرض، لمواجهة آثار الحرب الروسية الأوكرانية.
ليه دة مهم
الأسهم المصرية ليها علاقة عكسية مع الجنيه المصري، بمعنى إن كل ما الجنيه سعره يقل قصاد الدولار، كل ما الأسهم ترتفع.
القرض كمان هيخلي مصر تقدر تواصل إصدار السندات الدولية.
ودلوقتي
لو مصر فعلًا حصلت على القرض، فلازم تلتزم ببرنامج صندوق النقد لإعادة الإصلاح، واللي بيشمل مراجعة سعر صرف الجنيه، علشان مصر متبقاش في نفس الوضع وتستلف تحت الضغوطات.
الحكومة المصرية قالت كمان إنها هتتخارج من بعض القطاعات، وهتسمح بمشاركة أكبر للقطاع الخاص.
