خبر بفلوس
لجنة الطروحات الحكومية هتنعقد الإسبوع اللي جاي، ودة كدة تقريبًا مؤشر على إن برنامج طروحات الشركات الحكومية لسة على خطة الخطة، دة بحسب كلام وزير المالية، محمد معيط.
في الخلفية
الحكومة كانت مجهزة لطرح 10 شركات حكومية في 2022، لكن الخطة وقفت بسبب أزمة الحرب الروسية الأوكرانية.
ليه دة مهم
طرح الشركات الحكومية في البورصة، هيساعد على جذب مستثمرين أكتر للسوق، بالإضافة لتحقيق خطة تخارج الحكومة من بعض القطاعات لصالح القطاع الخاص.
كمان الإعلان بيجي في نفس الوقت، اللي مصر قربت فيه من الحصول على قرض من صندوق النقد الدولي، وبالتالي حل أزمة السيولة، اللي كانت بتخوف المستثمرين بشكل كبير.
ودلوقتي؟
المفروض إن مجلس الوزرا وافق إنه يجهز شركتي “صافي ” و”وطنية” للطرح في البورصة.
