خبر بفلوس
وزارة المالية قررت تقليل “ضريبة الوارد”، على 150 صنف من مستلزمات ومدخلات الإنتاج.
إيه هي ضريبة الوارد؟
هو نوع من الرسوم الجمركية، بتختلف على حسب السلعة اللي بيتم استيرادها إذا كانت سلعة تامة الصنع، أو سلعة وسيطة في عملية التصنيع، أو مواد خام أولية.
ليه دة مهم؟
الغرض من القرار ده هو دعم الصناعة المحلية، والمحافظة على معدلات التشغيل والعمالة، دة لإن المستوردين للسلع الأولية الضرورية للتصنيع، هيدفعوا عليها ضريبة أقل، وبالتالي يتم تحفيزهم للتصنيع أكتر.
الدولة بتحاول التخفيف بشكل كبير على المستوردين، اللي تأثروا جدًا بانخفاض قيمة الجنيه قصاد الدولار.
