خبر بفلوس
شركة الشرقية للدخان قامت برفع أسعار 10 أصناف من السجاير اللي بتنتجها، اعتبارًا من يوم الأحد 4 سبتمبر 2022.
أصل الموضوع
الزيادة كانت في حدود من 1.5 جنيه لـ 2 جنيه، وكان من ضمن السجاير اللي زادت أسعارها، الأنواع الشعبية زي “كليوباترا”، “كليوباترا بوكس”، و “مونديال”.
ليه دة مهم
دي المرة التانية اللي الشرقية للدخان تزود أسعار منتجاتها، في خلال 6 شهور بس.
العضو المنتدب للشركة، هاني أمين، قال إن سبب الزيادة دي هو ارتفاع أسعار المواد الأولية والخام، اللي بيتم استيرادها من الخارج بالعملة الأجنبية.
ودلوقتي؟
إبراهيم الإمبابي، رئيس شعبة الدخان في اتحاد الصناعات المصرية، إنه من المتوقع زيادة أسعار السجاير الأجنبية خلال الشهور الجاية.
لمعرفة الزيادة بالتفاصيل، إضغط هنا
