حبيت اوضح اللي اتعلمته والخطة اللي وصلتلها اللي ممكن تفيد أي حد
أولًا: لا تضع البيض كله في سلة واحده
يعني ايه
1- متحطش مدخراتك كلها في سهم واحد ده خطر جدًا لان مهما كان السهم قوي انت مش ضامن ايه اللي ممكن يحصل في العالم
2- متخليش مدخراتك في استثمار على المدي البعيد قسم محفظتك ان يكون 50% منها استثمار على المدي البعيد 30% اسهم مضاربه 20% احطياتي نقدي في محفظتك في ثاندر وده عشان يوم ما الاسهم تبقي واقعه تشتري بيها لو سهم وقع في يوم وهو سهم قوي تشتري لانك عارف انه مع الوقت هيكسب
3- متحطش مدخراتك كلها في البورصه قسمها بردو 50% مثلا و 50%
ثانيًا: مشوار الألف ميل بيبدأ بخطوه
يعني ايه
1- يعني كل شهر حاول تحط فلوس في البورصة كل شهر 500 جنيه مثلا هتلاقي انك اخر السنة معاك 6000 جنيه ومع اختيارك الصح للاسهم ممكن يكونوا زادو كمان
2- تابع دايما الاخبار واقراء عن البورصة واتعلم لو كل اسبوع معلومة واحده تفيدك في اختيار اسهمك اخر الشهر
ثالثًا: لا تكن مثل جلال
يعني ايه
1- اوعي تبيع اسهم شركات قوية وانت خسران
2- يعني لو انت اشتريت اسهم متفضلش تبص للمحفظة كل يوم انها نقصت او زادت انت بتثسمر بخطة
3- لو انت حاطط هدف لربح معين ووصلته بيع ومتكونش طماع امشي ورا خطتك المالية انت اكتر حد عارفها
دي باختصار كل اللي انا اتعلمته فخلال سنة ودي كانت تجربتي الشخصية
هذه المقالة ليست مكتوبة من ثاندر و ليست نصيحة استثمارية، حيث يجب عليك إجراء البحث الخاص بك، قبل اتخاذ أي قرار استثماري
