خبر بفلوس
باكين دلوقتي بتتفاوض مع شركة سايباد وسايبس، أصحاب عروض الاستحواذ عليها، بخصوص الأرض اللي بتمتلكها في منطقة القبة، وإمكانية مساهمتها في زيادة سعر العروض المتقدمة لها.
إيه هي أرض القبة؟
هي أرض ملك لشركة باكين، بمساحة 50 ألف متر مربع، كان مقام عليها مصنع قبل كدة، قبل هدمه لوجود نية لتحويله للنشاط السكني.
وباكين عايزة إيه بالظبط؟
المصادر بتقول إن في مفاوضات ما بين القابضة للصناعات الكيماوية، المساهم الرئيسي في باكين، وأصحاب العروض لزيادة سعر الصفقة المحتملة، بسبب إن تحويل “أرض القبة” من النشاط الصناعي للسكني، بيكبر من قيمة الشركة.
ليه دة مهم
القابضة للصناعة الكيماوية عايزة تتخارج من باكين، ولكن بسعر أعلى من أسعار العروض المقدمة لها.
