خبر بفلوس
الحكومة أسست صندوق جديد؛ علشان تجهز الشركات الحكومية للطرح فى البورصة، دة اللي قالته هالة السعيد، وزيرة التخطيط.
تفاصيل
“السعيد” قالت إن صندوق “ما قبل الطروحات” دة، هيمتلك حصص في شركات عامة مختلفة، ودة اللي هيجذب المزيد من الاستثمارات.
إيه هو صندوق ما قبل الطرح؟
هو صندوق بيجمع أموال من المستثمرين، علشان يستثمروا في المراحل الأخيرة في الشركة قبل طرحها في البورصة، دة بيخلي المستثمرين عندهم أسهم في الشركة بسعر أقل من الطرح العام، وكمان بيكون عندهم الفرصة لبيع الأسهم دي بسعر أعلى.
الشركة كمان بتكون مستفيدة، علشان بستخدم الاستثمارات اللي تم جمعها، في تطوير أعمالها قبل الطرح.
في الخلفية
وزير المالية، محمد معيط، كان قال إن لجنة الطروحات الحكومية، هتجتمع خلال الأيام اللي جاية لمناقشة برنامج الطروحات
