خبر بفلوس
الصندوق السيادي القطري مش هو لوحده اللي مهتم بجزء من حصة المصرية للاتصالات في فودافون مصر، دة كمان الصندوق السيادي السعودي والإماراتي في سباق علشان حصة في نفس الشركة، دة اللي نقلته مصادر.
تفاصيل
نفس المصادر قالت إن المصرية للاتصالات معندهاش مانع من بيع ما يصل لحصة 20% من فودافون مصر، ولكن بأعلى سعر ممكن؛ لضمان تحقيق أعلى عائد للمساهمين.
لازم تعرف
يذكر أن ملكية فودافون مصر هي 45% للمصرية للاتصالات، و55% لشركة فوداكوم، التابعة لشركة فودافون العالمية.
طيب فوادفون هتعمل إيه؟
في حالة تقديم السيادي القطري عرض رسمي، فودافون العالمية مش ناوية تلجأ لحق الشفعة.
يعني إيه حق الشفعة؟
هو باختصار لما شريك يكون عايز يبيع جزء من حصته، بيكون لشريكه التاني الأولوية إنه يشتري الحصة دي.
لكن لسة مفيش حاجة رسمية
المصرية للاتصالات قالت للبورصة إنها متلقتش أي عروض رسمية بخصوص شراء حصة في فودافون.
