خبر بفلوس
النادي المصري البورسعيدي بيفكر في إنه يؤسس شركة لكرة القدم ويطرح حصة منها في البورصة؛ والسبب من دة هو جمع تمويلات كبيرة، بتكلفة منخفضة، من خلال اكتتاب مشجعين النادي، دة بحسب مصادر للبورصة.
تفاصيل
بحسب الخطة، فمن 80% – 90% من الحصة المطروحة، هيتم تغطيتها من الاكتتاب الخاص، المصادر قالت إن النادي بيحاول الاستفادة من تجربة نادي غزل المحلة، واللي نجح في جمع 37 مليون جنيه من خلال الطرح الخاص.
المصادر كمان صرحت إنه بيتم دلوقتي التفاوض مع بنوك استثمار، علشان يتم اختيار مدير الطرح، واللي غالبًا هيكون من بنوك الاستثمار متوسطة الحجم، علشان يناسب حجم الطرح المستهدف.
ليه دة مهم
شركة برايم، مدير طرح نادي غزل المحلة، كانت قالت إنها تلقت عرضين من ناديين لتأهيلهم للطرح فى البورصة، ودة بيوضح إن تجربة غزل المحلة ممكن تتكرر.
