خبر بفلوس
أرباح شركة حديد عز، اللي بتستحوذ على 40% من سوق حديد التسليح في مصر، قفزت بنسبة 130.5% على أساس سنوي، علشان تسجل 1.8 مليار جنيه خلال الربع التاني من 2022، ودة كان بسبب الصعود الكبير للإيرادات التشغيلية للشركة في نفس الفترة بنسبة 191%.
ولكن
الشركة قالت إنها شهدت تراجع في صادرتها خلال النص الأول من 2022، بنسبة 12.4% على أساس سنوي، علشان توصل لـ 514 مليون جنيه، ودة نتيجة لانخفاض الاستهلاك العالمي من الصلب.
الشركة كمان صرحت إن فروق العملة في النص الأول من السنة، خسًرها حوالي 1.12 مليار جنيه، بسبب انخفاض قيمة الجنيه.
