خبر بفلوس
الحكومة قامت بطرح عدد من مستشفيات القطاع الحكومي، اللي ببتتبع وزارة الصحة، علشان تبقى فرص للاستثمار من القطاع الخاص، بحسب تصريحات حسام عبد الغفار، متحدث وزارة الصحة.
أصل الموضوع
المستشفيات دي بتتضمن: المستشفى القبطي، مستشفي هليوبلس، مستشفى شيراتون ولكن مش بس كدة، ففي مصادر قالت إن المستشفيات بتشمل كمان مستشفى العجوزة، ومستشفى الجلالة.
دخول القطاع الخاص هيكون بأشكال زي حق الإنتفاع، الإدارة والتطوير.
معلومة كلابس
حق الإنتفاع هو حق بيتم منحه للمستثمر، لغرض استغلال أصل معين، لفترة محددة، وبمقابل معين.
ليه دة مهم
مصر بتحاول زيادة مشاركة القطاع الخاص في الاقتصاد، عن طريق تخارج الحكومة من قطاعات معينة، وإتاحة الاستثمار الخاص فيها.
