خبر بفلوس
هيئة قناة السويس قررت إنها ترفع رسوم عبور القناة للسفن بنسبة 15% على كل السفن ما عدا السفن السياحية وناقلات الصب الجاف، هتزيد بنسبة 10%، على أن يتم التطبيق من بداية 2023.
معلومة كلابس
ناقلات الصب الجاف هي سفن متخصصة في نقل البضايع الغير معبأة زي الحبوب، الفحم والأسمنت.
أسباب رفع الرسوم
الفريق أسامة ربيع، رئيس هيئة قناة السويس قال إن رفع الرسوم يعتبر ضرورة بسبب ارتفاع معدلات التضخم، واللي بسببها زادت تكاليف التشغيل وتقديم الخدمات الملاحية في القناة.
إزاي الزيادة هتأثر؟
الفريق أسامة ربيع، بيتوقع إن الزيادة اللي هيتم تطبيقها، هتساهم في رفع إيرادات قناة السويس بقيمة 700 مليون دولار سنويًأ.
ليه دة مهم
بحسب الفريق “ربيع”، فالزيادة في بيعكس حرص الهيئة على إن تسعيرها يكون بناءًا على الظروف الاقتصادية العالمية.
