خبر بفلوس
في أمل كبير على استثمارات صناديق التأمينات والمعاشات في البورصة علشان سيولتها تزيد؛ وعلشان كدة هيئة الرقابة المالية بتخطط لتعديل سياسة الاستثمار الخاصة بالمؤسسات دي، وخاصة الاستثمار في البورصة.
إزاي؟
هيئة الرقابة المالية بتدرس إن الحد الأدنى من استثمارات صناديق التأمين والمعاشات في البورصة يكون في 5%، وبتدرس تعديل الحد الأقصى علشان يكون أكتر من 10%.
ليه دة مهم
استثمارات صناديق التأمينات والمعاشات كبيرة وبتزيد، ففي النص الأول من 2022 إجمالي استثمارات صناديق التأمينات الخاصة وصلت لـ 9.4 مليار جنيه، بزيادة 51.7% على أساس سنوي.
ودلوقتي
المحللين بيأكدوا إن الوقت دة، هو التوقيت المثالي لزيادة الاستثمارات في الأسهم، وخاصةً بعد انخفاض أسعارها في الفترة الأخيرة.
