خبر بفلوس
مدير إدارة الشرق الأوسط وآسيا الوسطى في صندوق النقد الدولي، جهاد أذعور، قال إن مفاوضات الصندوق مع مصر بخصوص القرض المطلوب “في تقدم مستمر”، وخلال فترة قصيرة هيتم الإنتهاء منها.
أصل الموضوع
“أذعور” قال إنه بيتم التفاوض حاليًا على برامج إصلاحية، وبرامج اقتصادية موجودة بالفعل لكن تحديد مبالغ القروض بشكل نهائي هيكون بعد إنتهاء المفاوضات.
صندوق النقد ليه مطالب من مصر علشان تقدر تحصل على القرض، زي مرونة أكبر في سعر صرف العملة، وتوحيد سعر الفايدة.
في الخلفية
رئيس الوزراء كان أكد قبل كدة إن المفاوضات في مع الصندوق وصلت مراحلها النهائية. وزير المالية كمان أكد إن القرض اللي مصر بتطلبه أقل من 15 مليار دولار.
ليه دة مهم
المفاوضات مع صندوق النقد الدولي مستمرة من فترة بدون أخبار نهائية، ودة اللي خلى بعض المحللين يقولوا إن السبب دة هو اللي أدى للهبوط الكبير اللي حصل في البورصة.
