خبر بفلوس
البورصة المصرية بتسعى إنها تأسس منصة لتداول شهادات الكربون من خلال شركتها التابعة، القابضة لتنمية الأسواق المالية.
يعني إيه شهادات الكربون؟
دي شهادات بتحصل عليها الشركات، اللي مش قادرة تقلل من انبعاثات الكربون في إنتاجها، بمقابل مادي. الشركات دي بعد كدة ممكن تبيع الشهادت دي لشركات تانية محتاجاها، قصاد إنها تقلل إنبعاثاتها من الكربون.
باختصار، الحصول على الشهادات دي بيكون زي رخصة بمقابل مادي للشركة إن يكون في انبعاثات كربون في إنتاجها
أصل الموضوع
المصادر قالت إن البورصة المصرية بتشتغل مع جهات دولية زي مؤسسة التمويل الدولية وبورصة لندن بخصوص المنصة الجديدة.
من المتوقع كمان إن المنصة هتكون على مستوى إقليمي مش محلي بس.
ليه دة مهم
الخطوة بتعكس اهتمام الحكومة ككل بملف المناخ، وبتيجي في وقت استضافة مصر لقمة المناخ COP27.
