ممكن لما حد يقولك “نفط العصر الحديث” تفكر اه اكيد مصدر طاقة
يعني مثلا الطاقة الشمسية او الهيدروجين الاخضر او الغاز او الكهرباء
وكل دي صناعات مهمه و في رأيي انها فرصه استثمار عظيمه و لكن في وجهه نظري، نفط العصر الحديث هي المعلومات
و ممكن بعض الناس متعرفش ان المعلومات دي صناعه اصلا
كل ما نعرفه هو صناعه تكنولوجيا المعلومات، اللي بيندرج تحتها جميش مقدمي خدمات الانترنت و شركات صناعه الهواتف و اجهزة
الاتصالات و غيرها
لكن في الحقيقة يوجد صناعات كامله قائمه علي المعلومات
مثل شبكات التواصل الاجتماعي، هي تبدو مجانيه، لكن في الحقيقة هي تقدم لك خدمة ترفيهيه في مقابل بياناتك
و ده مش حاجه شريرة، انت عارف كده و موافق علي انك تاخد خدمة التواصل مع اصحابك و اقاربك في مقابل حصول قواعد البيانات الخاصة بالموقع علي بيانات تحركاتك و ماذا تحب و ماذا تكرة و ايه المنتجات اللي بتدور عليها و ايه ال keywords اللي بتستخدمها
كل ده اسمه بيانات
معالجه البيانات ينتج منه المعلومات
معلومات زي ان خمسين الف واحد في منطقة الدقي بيحب السوشي مثلا
ده مثال بسيط جدا
المعلومة دي، كفيله تخلي مسثمر في مجال المطاعم يكسب ملايين في وقت قصير
و كتير من الصناعات باستخدام المعلومات دي ممكن تحقق ارباح بالاضعاف
طبعا الموضوع مش بالبساطه دي، لكنه اكثر تعقيد، و البيانات و المعلومات لا تباع بالطريقة دي لكنها تستخدم في الدعايا و الاعلان
بمعني انك لو حبيت تعمل اعلان علي شبكة او موقع من مواقع التواصل الاجتماعي، فعلي حسب ميزانية الاعلان، الموقع هيستخدم بيانات اكتر علشان يوصل الخدمة بتاعته لناس مهتمه اكثر
و هكذا، لكن طبعا من النادر ان تباع البيانات في صورتها الخام
كل اللي حبيت اقوله ان الصناعات اللي بتعتمد علي تجميع البيانات و معالجاتها شهدت تطور كبير جدا و هتفضل في نمو فترة كبيرة جدا مما يجعلها فرصه جيده للاستثمار
