خبر بفلوس
عملاق صناعة السجاير، شركة الشرقية للدخان، أعلنت عن إنخفاض أرباحها خلال العام المالي 2021-2022 بقيمة 5.8% على أساس سنوي، وتسجيلها 4.03 مليار جنيه.
أصل الموضوع
دة حصل بالرغم من زيادة الإيرادات في نفس الفترة، بقيمة 6% على أساس سنوي، ووصولها لـ 68 مليار جنيه.
الشركة قالت إن الأسباب الرئيسية لإنخفاض الأرباح كانت: نظام المعاش المبكر، وتسوية الضرايب اللي كانت مستحقة على الشركة بقالها سنين، الشركة تحملت 1.25 مليار جنيه لنظام المعاش المبكر، و 1.4 مليار جنيه في تسديد ضرايب القيمة المضافة المستحقة على الشركة، بحسب اللي قاله الرئيس التنفيذي للشرقية للدخان.
معلومة كلابس
نظام المعاش المبكر بيتيح للعاملين في الشركة فرصة التقاعد عن العمل بشكل رضائي وبمميزات مالية، من غير الحاجة لانتظار سن الـ 60، اللي عادةً بيكون التقاعد بعده.
لازم تعرف
الشرقية للدخان في الفترة الأخير قامت برفع أسعار أنواع كتيرة من السجاير اللي بتنتجها، وقالت إن دة يرجع لارتفاع أسعار المواد الخام المستوردة.
