خبر بفلوس
فيه تعاون بيحصل في الوقت الحالي بين هيئة الرقابة المالية والبورصة من جانب، وبين وزارة الهجرة من جانب تاني، بخصوص زيادة استثمارات المصريين بالخارج في البورصة المصرية.
أصل الموضوع
البورصة ابتدت فعلًا بالتعاون مع وزارة الهجرة، في العمل على نشر ثقافة الاستثمار والادخار بين المصريين في الخارج، وتوفير التدريب العملي والنظري على التداول.
وعلشان يتم جذب أكبر استثمارات ممكنة من المصريين في الخارج، البورصة بتشتغل مع مديري الاستثمار وشركات الوساطة المالية، على حصر الفرص الاستثمارية المتاحة في سوق الأوراق المالية.
ليه دة مهم
جذب استثمارات المصريين في الخارج، جزء من خطة أكبر للدولة للاستفادة من الاستثمارات دي في المشروعات القومية للدولة.
