خبر بفلوس
شركة مدينة نصر للإسكان تعاقدت مع مدارس أستن كوليدج الدولية، علشان تفتح مدرسة ليها في مشروع تاج سيتي.
إيه هي أستن كوليدج؟
هي واحدة من مشروعات شركة التعليم المتوازن، وبتعتمد في تعليمها على النظام البريطاني (IGCSE).
تفاصيل
مدينة نصر قالت إن أستن كوليدج بتعتبر من أوائل المدارس اللي طبقت فكرة التحول الرقمي في التعليم، ودة عن طريق شراكتها مع مايكروسوفت مصر.
المدرسة هيتم إنشاءها على مساحة 20 ألف متر مربع، وهتكون متاحة لاستقبال 1800 طالب، وتم تصميم مباني المدرسة بواسطة شركة جينسلر العالمية.
ليه دة مهم
بيان الشركة قال إن الشركة مهتمة بالتوسع في قطاع الخدمات لتلبية احتياجات كل سكان مشروعاتها.
