خبر بفلوس
مسؤولين شركة راية اجتمعوا مع رامي الدكاني، رئيس البورصة، علشان يناقشوا الطروحات المحتملة لشركات راية التابعة، دة اللي صرحت بيه مصادر للمال.
أصل الموضوع
المصادر قالت إن الشركات اللي تم مناقشة إمكانية طرحها هم “أمان القابضة” و”راية للتجارة والتوزيع”.
مسؤولين “راية القابضة” أكدوا إن في خطط موجودة فعلًا لطرح حصة من شركة “أمان”، ولكن دة هيتم بعد تحسن حالة السوق، وخاصةً قطاع التكنولوجيا.
وبالنسبة لـ “راية للتجارة والتوزيع”، فطرحها في البورصة معتمد على زيادة عدد فروعها، والعمل على تحسين قطاع التمويل الاستهلاكي في أنشطتها.
ليه دة مهم
الاجتماع بين رئيس البورصة والمسؤولين في راية القابضة، بييجي ضمن لقاءات بتعملها البورصة المصرية مع شركات مختلفة لتشجيع الطروحات، وجمع الآراء في كيفية تحسين أداء السوق.
