خبر بفلوس
بيانات البنك المركزي كشفت عن تحسن العجز في الحساب الجاري، خلال السنة المالية 2021/2022 بنسبة 10.2% على أساس سنوي، علشان يوصل لـ 16.6 مليار دولار.
أسباب إنخفاض العجز
بيان المركزي أرجع الزيادة دي بشكل رئيسي للقفزة في صادرات السلع زي البترول، وارتفاع رسوم العبور من قناة السويس، لكن على الجانب الآخر، استمرت عملية تخارج الأجانب من الاستثمار في الأوراق المالية في مصر.
البنك المركزي قال كمان إن العائد من قطاع السياحة زاد بنسبة 55% على أساس سنوي، علشان يسجل 10.7 مليار دولار، لإن في النص الأول من السنة بس، أعداد السياح زات بنسبة 85% على أساس سنوي، ودة اللي عوض شوية تراجع أعداد السائحين بعد الحرب الروسية الأوكرانية.
وبشكل مختصر، ميزان المدفوعات خلال 2021/2022 حقق عجز بقيمة 10.5 مليار دولار، كله تقريبًا اتحقق خلال النص التاني من 2021/2022.
ليه دة مهم
العجز في ميزان المدفوعات معناه إن الدولة بتستورد سلع وخدمات وراس مال أكتر ما بتصدر.
