خبر بفلوس
مجلس إدارة شركة إيجيترانس قرر دراسة الاستحواذ على حصة الأغلبية في الشركة الوطنية لخدمات النقل وأعالي البحار “نوسكو”.
أصل الموضوع
الشركة قالت إنه المفاوضات بين الشركتين لسة في مراحلها الأولية، وإن التنفيذ النهائي للصفقة هيكون بعد عملية الفحص النافي للجهالة وتقرير القيمة العادلة للسهم.
الشركة كمان قالت إنه هيتم تعيين مستشار مالي مستقل لدراسة لقيمة العادلة لسهم “نوسكو”، وإنه من المقرر إن الصفقة هيتم تنفيذها في الربع الأول من 2023.
في الخلفية
كانت إيجيترانس نفت وجود أي عروض للاستحواذ عليها، وقالت إنها هي اللي بتسعى للاستحواذ على شركة تانية.
ليه دة مهم
الشركة قالت إن الهدف من الصفقة المحتملة دي هو إن يكون في كيان متكامل قادر على التوسع.
