خبر بفلوس
قررت الحكومة رفع سعر بيع الغاز الطبيعي لمصانع الأسمنت بنسبة 109%، علشان السعر الجديد يكون 12 دولار لكل مليون وحدة حرارية.
معلومة كلابس
الوحدة الحرارية هي وحدة قياس للغاز الطبيعي.
إيه هو تأثير القرار دة على مصانع الأسمنت؟
أحمد كريم، رئيس شعبة الأسمنت قال إن القرار هيأثر على تكاليف المصانع اللي بتعمل بالغاز الطبيعي، واللي بتمثل 50% من إجمالي مصانع الأسمنت، وبالتالي رفع أسعارهم.
في محللين بيقولوا إن القرار دة هيخلي المصانع اللي بتعتمد في إنتاجها على الفحم تتأخر في تحولها للعمل بالغاز، لأن سعره بقى مرتفع.
ليه دة مهم
مصدر حكومي قال إن رفع الحكومة لسعر الغاز الطبيعي اللي بيروح لمصانع الأسمنت، هو بشكل رئيسي علشان يواكب ارتفاع الأسعار العالمية للسلع.
