خبر بفلوس
في مارس 2022، الحكومة المصرية اتفقت مع قطر على إن الأخيرة تضخ استثمارات بقيمة 5 مليار دولار، لكن لاحظنا إن الاستثمارات دي اتأخرت شوية، وهنا هنعرف ليه، بحسب اللي قالته مصادر للشرق.
أسباب التأخير:
1– المصادر قالت إن الصندوق السيادي القطري عايز يستحوذ على حصص أغلبية في بعض الشركات بالبورصة، ودة اللي رافضه صندوق مصر السيادي.
2- السيادي القطري كمان عايز ياخد كل الإجراءات الممكنة اللي تساهم في تحصين استثماراته من النزاعات اللي ممكن تحصل نتيجة الاستحواذ، ودة بيأدي لوقت أكبر لتنفيذ الاستحواذات.
3- دة بالإضافة لإنتظار الجنيه علشان يوصل لسعر عادل قصاد الدولار.
ليه دة مهم
انتشرت أخبار في الفترة الأخيرة عن اهتمام السيادي القطري بالاستحواذ على حصص في شركات زي باكين، الشرقية للدخان، وجزء من حصة المصرية للاتصالات في فودافون مصر.
