خبر بفلوس
صندوق مصر السيادي اختار محطة كهرباء بني سويف، علشان تكون أول محطة كهرباء يحاول يضم أصولها ليه، ويقوم بطرح حصص منها على مستثمرين استراتيجيين.
محطة كهرباء بني سويف؟
محطة كهرباء بني سويف تولت بنائها شركة “سيمنز” الألمانية، بجانب “أوراسكوم كونستراكشون” و”السويدي إليكتريك”.
أصل الموضوع
المصادر قالت إن أصول المحطة هيتم ضمها الأول لصندوق مصر السيادي، والصندوق هيقرر إذا كان هيتم الطرح لمستثمر واحد استراتيجي، أو طرح حصص أقلية لعدد من المستثمرين، ولكن مفيش وقت محدد للطرح.
ليه دة مهم
طرح محطات الكهرباء على المستثمرين هيساهم في توفير التمويل من القطاع الخاص المحلي والأجنبي المطلوب لتحسين المحطات دي.
