خبر بفلوس
بعض شركات صناعة الأسمنت المدرجة في البورصة أعلنت عن مدى تأثرها بقرار رفع سعر الغاز الطبيعي اللي بيروح لمصانعها.
في الخلفية
الحكومة كانت رفعت سعر الغاز الطبيعي اللي بيتم توريده لمصانع الأسمنت بنسبة 109%، علشان يكون 12 دولار لكل مليون وحدة حرارية.
أصل الموضوع
شركة العربية للأسمنت قالت إنها مش هتتأثر بالقرار، دة لإنها بتعتمد على الوقود البديل والفحم بنسبة 99%.
شركة السويس للأسمنت كمان قالت إنها مش بتستخدم الغاز الطبيعي غير في عملية إشعال الأفران بس، ولكنها كمان بتعتمد على الفحم في الإنتاج بنسبة 99%، ودة اللي مش هيخلي القرار يأثر على ربحيتها.
لكن على الجهة الأخرى، ذكر محللين إن التأثير الأكبر هيكون على شركة أسمنت جنوب الوادي، اللي بتعتمد في إنتاجها على الغاز الطبيعي.
ليه دة مهم
في محللين قالوا إنه بالرغم من إن في شركات كتيرة بتعتمد على الفحم في إنتاج الأسمنت، إلا إن قرار رفع سعر الغاز الطبيعي هيأخر تحولهم لاستخدام الغاز الطبيعي في الإنتاج، واللي بيعتبر طاقة نظيفة أكتر من الفحم.
