خبر بفلوس
محمد معيط، وزير المالية، قال إنه تم الإنتهاء من كل المواضيع الخاصة بالاتفاق مع صندوق النقد الدولي، وإنه بيتم العمل حاليًا على التوصل للاتفاق النهائي.
أصل الموضوع
تصريحات معيط كانت أثناء مشاركته في الاجتماعات السنوية بين صندوق النقد الدولي والبنك الدولي، واللي مصر بتتمنى إنها توصل للاتفاق مع صندوق النقد، قبل نهاية الاجتماعات دي، دة اللي قالته رويترز.
ليه دة مهم
في علامات بتدل فعلًا على اقتراب الاتفاق مع صندوق النقد، منها الانخفاض التدريجي اللي بيحصل للجنيه في الفترة الأخيرة، واللي بيعكس مرونة أكبر في سعر الصرف، ودة كان من ضمن مطالب صندوق النقد لمصر.
كمان لقينا مدير صندوق النقد، كريستالينا جورجييفا، بتقول إن الاتفاق النهائي مع مصر ممكن يتم خلال أسابيع وممكن أيام.
